По традиционалните маски со оркестарот, зетот, невестата, ѓаволите и Глупавите Августи креативните вевчанци на хумористичен начин ја прикажаа релаксирачката атмосвера со играње фудбал „во кабинетот’ на поранешниот вицепремиер Артан Груби и поранешните министри на ДУИ, кои со себе го носеа и куферчето од Државна лотарија на Македонија, а „премиерот“ Христијан Мицкоски им даде црвен картон.
Низ вевчанските улици „продефилира“ и екс директорот на УБК Сашо Мијалков со црвеното порше.
Вевчанци на сатиричен начин побараа и враќање на старото уставно име Република Македонија на личните документи, не го заборавија ниту бегството на екс вицепремиерот Артан Груби.
Дел од маските беше и бугарск администрато од времето на Втората светска вопјна, како и Планетата на мајмуните, инспирирани од истоимениот филм.
Забавата беше збогатена со „Вевчанско вече“ како и карактеристични маски со чудовишта, принцези, снежни кралици, новогодишни елки….
Манифестацијата завршува утре вечер со традиционалното василичарско оро и палење на маските во центарот на Вевчани.