Бројот на загинати во големиот земјотрес што ја погоди западна Кина се искачи на 93, додека во тек се спасувачки операции по евентулни преживеани лица, пренесува „Асошиејтед прес“.
Потресот со јачина од 6,8 степени според Рихтеровата скала што беше регистриран во провинцијата Сечуан. Најголеми штети се забележани во автономната тибетанска област Ганза.
Како исчезнати се водат 25 лица, соопштија спасувачките служби. Потрагата по преживеани и извлекување на тела на заробени граѓани под урнатините беше усложнето поради силните дождови и опасноста од свлечишта.
Земјотресот, исто така, го погоди и Ченгду, главен град на провинцијата, каде жителите беа под строга контрола поради коронавирусот, што значи дека не им било дозволено да ги напуштаат своите домови.