Снимка од драматична полициска потера со хеликоптер, како оние што ги гледате на видео игрите, беше објавена на бразилската телевизија. Во оваа потера е убиен наводниот главен дилер на дрога.
Полициската потера, која заврши со смрт на наводниот дилер на дрога Марсиа Переира, се случи во Рио де Жанеиро на 11 мај 2012 година, а сега се води истрага за истата.
Переира е убиен со оружје со кое е пукано од хеликоптер. Драматичните снимки од воздух во текот на ноќта, се емитувани на бразилската телевизија, а покажува како полицајците го идентификуваат осомничениот Марсиа Переира. Переира во тој момент влегувал во автомобилот и веднаш после тоа започнало пукањето од хеликоптерот, пренесува АП.
На видеото се слуша како некој од хелихоптерот вика „Одиме, одиме, фатете го!: Веднаш потоа полицијата го опкружи автомобилот од кој е извлечено изрешетаното тело на Переира.
Педро Дантас, службеник за медиуми во одделот за сигурност на Рио де Женеиро, изјави дека е во тек истрагата и дека пилотот на хеликоптерот е суспендиран.
Истрагата ќе покаже дали полицијата користела прекумерна сила и дали ги следеле сите прописни процедури, додава Дантас.