На 15 октомри Евроњуз ќе го инаугурира своето ново седиште во Лион, Франција. Зградата е спектакуларна. Станува збор за зграда во форма флуо-зелена коцка.
Архитектонското биро Јакоб МакФерлејн е автор на зградата. Коцката има шест спрата а на фасадата зелена метална мрежа. Предниот дел на фасадата е свртен кон реката и има две големи кружни отвори (вортекси) кои ја привлекуваат светлината до внатрешноста на зградата.
«Уметничко дело…», изјави Микаел Петерс, директор на бордот на Евроњуз и додаде дека во ова дело архитектите нашле начин да внесат цела «фабрика». Евроњуз вработува 800 лица и емитува програма на 13 јазици. Новата зграда има 10.000 квадратни метри.
Петерс вели дека било време да се направи нова и модерна зграда која ќе може да се споредува со седиштата на Си-Ен-Ен или Би-Би-Си.
Новата зграда чини 50 милиони евра а внатрешниит дизајн е «хајтех» во црна, бела и зелена боја.
.jpg)
Евроњуз започна да емитува програма во јануари 1993 година со амбиција да фрли ново светло врз меѓународната актуелност. Развојот на оваа телевизија која од пет јазици денес емитува на 13, го привлече египетскиот милијардер Нагуб Савириз кој во февруари годинава вложи 35 милиони евра во проектот. Тој верува во бизнис планот на раководството на Евроњуз и убеден е дека вредноста на телевизијата ќе расте.
Според плановите на раководството, Евроњуз ќе се обиде, со новиот план, да ги демантира критичарите кои тврдат дека оваа ТВ е всушност радио со слика. Наскоро се планира нова програма на англиски и француски посветена на актуелноста во Африка.