Судот во Њујорк ги гони вмешаните за корупција во аферата со поткуп на политичари во “Телеком“, додека судот во Македонија го прогласи за виновен за клевета човекот кој прв го пријави случајот во обвинителството во Македонија уште во 2004 година.
Симо Груевски поминува вистинска голгота сиве овие години. Се малтретира по судските ходници, останува без работа, исцрпен е финансиски, додека виновниците се уште се недопирливи пред правдата во Македонија.
Оваа сторија е посветена на третманот на дојавувачите на корупција во земјава кои немаат никаква заштита и чии што примери охрабруваат молчење во администрацијата секогаш кога ќе биде сведок на криминал. Сторијата е направена во септември 2013 година.