Водителката Лила Филиповска која денеска беше повикана во Обвинителството како лице кое треба да даде потребни известувања, еден час даваше исказ. Откако заврши распитот, таа не одговори на ниту едно прашање и на новинарите им отпоздрави со „Чао друштво“ и им упати бакнеж.
Лила Филиповска е блиска пријателка на Бојан Јовановски- Боки 13 и често пати беа заедно на најразлични манифестаци и на заедничики патувања.
Филиповска не одговори дали била заедно во автомобилот со Боки 13 беше приведен на граничниот премин Богородица и дали имало торба со пари, ниту пак, дали го посетила во притворот во Шутка, каде Боки 13 е веќе втор месец.
На прашањато дали таа му позајмувала пари на Боки 13, Филиповска гласно се насмеа.
Таа не одговори ниту што ја прашувала Вилма Русковска и ги упати новинарите да побараат одговор во Обвинителството.
За случајот „Рекет“, освен Боки 13 осомничени се и специјалната обвинителка Катица Јанева и бизнисменот Зоран Милески-Кичеец. Сите тројца се во притвор.
Досега како сведоци во обвинителствот свои искази дадоа обвинители од СЈО, бизнисмени и Орце Камчев кој го пријави случајот.