Необичен голем метеор во неделата накусо го осветлил небото над Норвешка, оставајќи со себе спектакуларна визуална трага.
Извештајот за брзиот прелет на метеорот стасал околу 1 часот по полноќ, а на социјалните мрежи се појавиле снимки од ова случување.
Норвешката мрежа за следење на метеори ги анализирала видео снимките, обидувајќи се да го утврди потеклото на метеорот.
Вегард Лундби од оваа мрежа вели дека во моментот се трага по остатоците од метеорот на Земјата, кои можат да тежат неколку килограми.
Прелиминарните податоци кажуваат дека постоела можност метеорот да влезе во Земјата, и тоа на 60 километри западно од главниот град Осло.
Големината на метеорот сè уште не е позната, но извештаите покажуваат дека бил доста голем. Некои претпоставуваат дека тежи неколку десетици килограми.
Според ВГ, научниците сметаат дека метеорот стигнал од појасот астероиди меѓу Марс и Јупитер.