Вечерва во Крушево, началникот на Генералштабот, генерал-потполковник Васко Ѓурчиновски ме информираше за состојбата со пожарите низ земјата и посебно за големиот пожар во Кочани доцна попладнево. Наредбата како Врховен командант за ангажман на Армијата со целосен капацитет ја дадов во 16:30 минути, информира претседателот на државата, Стево Пендарвоски, на својот фејсбук профил.
-Одобрена е и употреба на воздухопловите, кои денеска веќе интервенираа во Старо Нагоричане, а утре наутро одат на помош во Кочани. Во текот на ноќта ќе се следи состојбата на терен и ќе се ангажираат дополнителни сили, како и средства за справување со состојбите и помош на населението насекаде каде што има потреба, додава Пендаровски.
Инаку, по координација со премиерот Зоран Заев и претседателот Пендаровски, министерот за внатрешни работи Оливер Спасовски, замина од Мечкин Камен заради координација на ситуацијата со пожарите.