Големиот овален дијамант под името „Розова Ѕвезда“ стана најскап драгоцен камен на светот по аукцијата во Хонг Конг каде е продаден за неверојатни 71 милиони долари.
Беа потребни само пет минути овој дијамант од 59 карати, тежок скоро 12 грама, да го собори рекордот кој порано го држеше „Опенхајмер Блу“ вреден „само“ 50 милиони долари.
Аукциската куќа „Стосби“ објави дека го купила една локална златара.
„Ова е најголемиот розов дијамант било кога пронајден во историјата на човештвото. Има неверојатна боја“, изјави за БИ-БИ-СИ соговорник од лондонската златара „77 дијаманти“.
„Розовата Ѕвезда“ е откриена во 1999 година во еден африкански рудник на компанијата „Де Беерс“ и е најголем исполиран дијамант од овој вид на светот.