Најмалку 250 лица загинаа на истокот на Авганистан во земјотресот со јачина од 6,1 степени според Ритхеровата скала што утрово го погоди тој дел од земјата, соопштија официјални лица.
#BREAKING According to the Taliban spokesman, due to last night’s earthquake (magnitude 6.1), hundreds of people killed and wounded in four districts of #Paktika Province of Afghanistan. According to the sources more than 255 people have lost their lives & around 155 are injured pic.twitter.com/26cXbDYhqk
— Ghulam Abbas Shah (@ghulamabbasshah) June 22, 2022
„Најголем број од смртните случаи се регистрирани во покраината Пактика“, рече Мохамед Насим, раководител на управата на талибанската влада за управување со катастрофи.
Смртни случаи се, исто така, забележани и во источните покраини Нангахар и Хоста, додаде тој.
Американскиот геолошки институт соопшти дека потресот, со јачина од 6,1 степени по Рихтер, рано утрово ги погодил делови на Авганистан и на Пакистан.
Епицентарот бил на околу 44 километри од градот Хоста, на југоистокот на земјата, на длабочина од 51 километар.
Земјотресот се почувствувал во радиус од околу 500 километри во Авганистан, Пакистан и Индија, објави Европскиот сеизмолошки центар (ЕМСЦ).