Украинската војска објави дека Русија се обидува да ја пробие нејзината одбрана во близина на Киев.
Како што се вели во нејзиното соопштение, „руските сили се обидуваат да напредуваат кон Киев од исток и од северозапад, во обид да ги заземат околните патишта и села, односно сообраќајниците кои го поврзуваат Киев со други делови на Украина“.
Украинците додаваат дека „Русите притоа наидуваат на силен отпор“.
„Русите почнаа офанзива од два правца, од северозапад и од исток, со цел да излезат на главните патишта кои го поврзуваат Киев со други делови на Украина. Украинските сили ефикасно го запираат продорот кон Киев“, изјави и професор од Киев за Н1.
Русите, пак, објавија видео материјал како нивните сили влегуваат во регионот на Киев.