Македонската полиција тврди дека бројот на мигранти постојано расте посебно за време на економската криза во Грција.
Преку територијата на Македонија во потрага за подобар живот во ЕУ секоја година поминуваат илјада мигранри, а голем број ги апси полицијата, обајвува Ал Џезира.
Бидејќи привременото сместување на мигрантите чини пари властите се обидуваат проблемот да го решат во соработка во полициските служби од соседните земји.
На мекедонско – српската граница мигрантите се собираат во близина на селото Лојане, на местот кое симболично се нарекува „Џунгла“ и каде живеат во импровизирани услови, спијат на земја, самите си месат леб а храна купуваат во околните продавници.
„Сакам во Европа да живеам на место каде ќе ми биде подобро, каде ќе бидам интегриран и ќе живеам како што сакам, каде ќе ги исполнам своите соништа“, вели за Ал Џезира. 19-годишниот Али Саид мигрант од Сенегал, кој пред две години ја напуптил својата земја.
Мухамед Али од Судан вели дека постои мрежа на криумчари меѓу државите, кои меѓусебно соработуваат, тој за да ја премине грчко-македонската граница платил 650 евра.
Од македонската полиција велат дека иако постои договор со ЕУ, Грција не е секогаш подготвена да ги прими мигрантите кои од Македонија влегуваат преку нејзината јужна граница, но бидејќи македонско-грчката граница е порозна не се гледа решение на проблемот.