Гласањето во Шутка е помеѓу најтензичните во државата според податоците кои ги споделуваат набљудувачите и новинарските екипи на терен. Екипите на НОВА и ФОКУС беа спречени слободно да направат снимки од гласачките места, па по долги расправии во основното училиште „Браќа Рамиз и Хамид“ снимањето беше дозволено од вратите кај ходникот, што е единственото место каде што на новинари им е забрането да направат инсерти од гласачкиот процес. Расправијата на претставниците на општинската изборна комисијата погледнете ја во видеото.
Екипата на НОВА е постојано на терен во оваа општина. Попладневно физички беше нападнат и потпретседателка на опозициска партија од страна на пратеник и неговиот син. Потпреседателката тврдеше дека двајцата ја фатиле за врат и ја влечеле за шалот. За напад врз нивни набљудувач извести и невладината организација „Цивил“.
Во меѓувреме во Шуто Оризари речиси сите гласачи се превезувааат организирано до гласачките места во автомобили означени со бројки и со ликот на еден од претседателските кандидати. НОВА поседува аудио снимки во кои организираните тврдат дека автомобилите ги организирал еден пратеник. Повеќе од 50 автомобили кружат низ општината и постојано превезуваат луѓе од и до гласачките места.