Видеото е со вознемирувачка содржина
Двајца или тројца маскирани лица влегоа денес во седиштето на Шарли Хебдо, француски сатиричен неделник и отвориле оган од калашникови. Париската префектура јавува дека има двнаесет убиени лица од кои десет новинари и двајца полицајци и дваесетина ранети лица.
Француските агенции јавуваат дека се убиени повеќе познати карикатуристи како Чарб или Волински. Сите се наоѓале во редакцијата на овој сатиричен весник бидејќи во среда се одржува неделниот состанок на редакцијата.
Една карикатуристка објаснува дека ги видела напаѓачите кога доаѓала во редакцијата. Таа се скрила под една маса и слушнала дека перефектно зборувале француски и велеле дека ова го прават во име ма Ал Каида.
Според полицијата станува збор за вистинска командо операција. Лицата влегле во редакцијата и почнале да пукаат врз сите присутни. Нападот почнал во 11.30 а потоа имало и размена на оган со полицијата. Од снимките на пукањето се слушаат извици “Алаху Акбар“.
На крајот напаѓачите убиле полицаец, па украле кола и удриле со колата во еден пешак. Потоа заминале пешки по што повторно украле друга кола и со неа заминале од местото а настанот.
Веднаш се организираше движење на солидарност со новинарите кое повикува веќерва во 19 часот на плоштадот на Републиката во Париз за одбрана на слободата на говорот и медиумите.
Весникот беше нападнат со молотов коктели во ноември 2011 година откако објави еден број од неделникот насловен Шариа Хебдо и во кој имаше карикатура на Мухамед. Нападот предизвика пожар кој ја натера редакцијата во текот на повеќе месеци да работи со седиштето на дневникот Либерасион.
Од овој прилог, пак, се гледа како новинарите бегаат по покривот од зградата во која се наоѓа редакцијата на медиумот и се кријат од рафалите на напаѓачите.