Поранешниот преведувач на украинскиот претседател Јушченко, Александар Билкин во разговор за Си Ен Ен соопшти дека ракети паднале на детска болница во Киев.
⚡️Russian artillery fire has struck Kyiv’s children’s cancer hospital Okhmadyt, killing one child and wounding two, along with two adults, TSN reported.
Eyewitnesses reported that the city is under fire from multiple-launch rocket systems.
— The Kyiv Independent (@KyivIndependent) February 26, 2022
Соопшто дека болницата е недалеку од зградата во којашто живее и рече дека наводно едно дете го изгубило животот.
Претходно украински ТСН објави дека Русите погодиле детска онколошка болница во Киев и дека наводно загинало едно дете, а повредени се две деца и двајца возрасни.
Информацијата ја пренесе и новинар на Би Би Си на својот Твитер профил. Се чека официјална потврда.
„Киев Индипендент“ објавува дека е прогласена воздушна опасност во неколку украински градови.
Војната во Украина влезе во третиот ден. Борбите не престануваат, има се повеќе жртви. Граѓаните ја напуштаат државата, функционерите повикуваат на преговори.
Sirens right now in Kyiv pic.twitter.com/14QDuibKOy
— Alexander Marquardt (@MarquardtA) February 26, 2022
Русите тврдат дека Зеленски го напуштил Киев.
На жителите на Киев им е забрането да ги напуштаат своите куќи до понеделник до 8 часот наутро, пренесуваат агенциите.
„Киев Индипендент“ објави дека страниците на Кремљ се урнати и дека во моментов не може да се пристапи до нив. Се додава дека украинската агенција за телекомуникации известила дека се урнати шест страници од руската влада. „Aнонимуси“, кои најавија дека започнуваат сајбер војна против Русите, пред еден час најавија дека ќе продолжат со нападите.
Дописникот на Гардијан на Твитер објави дека на сите руски единици им е наредено да напредуваат во сите сектори.
Тој додава дека руски агенции пишуваат дека наредбата дошла од Министерството за одбрана откако Украина ги одбила преговорите.