За изградба на објектот на Советот за радиодифузија на парцелата кај хотелот „Бристол“ запазени се сите процедури согласно постојните закони. Овој случај не треба да се користи за политичка промоција, бидејќи со негова изградба државата ќе заштеди пари кои досега се одлевале за кирии, а ќе се овозможи и работа на градежниот сектор, изјави портпаролот на Владата, Александар Ѓоргиев.
– Овој државен инвеститор, Советот за радиодифузија, кој што треба да гради објект на дадената локација ги има добиено сите потребни документи од страна на единиците на локалната власт за да отпочнат со градба. Ги има платено сите комунали врз основа на коишто единиците на локална самоуправа имаат обврска да му го подготват целокупното земјиште за тој да може да почне со градба.
>>Жерновски: Ќе запре дивеењето-Законот ќе се врати во Центар
– Овој државен орган, СРД досега во 10-годишниот период на име на кирии коишто оделе во приватни џебови има исплатено околу 3 милиони евра. Сега со градбата на овој објект тоа веќе нема да се случува, нема да имаме одлевање на државни пари во приватни џебови, го презентира владиниот став на новинарско прашање Ѓорѓиев на денешната прес-конференција во Владата.
>>Протест против синоќешното сечење на дрвата кај Бристол
>>Јавноста жестоко реагира по сечата на дрвата кај х.Бристол
Тој подвлече дека Владата до сега покажала низ своите политики и активности дека се грижи за животната средина и пошумувањето.
– Тоа е вистинското прашање во овој или други вакви случаи, кириите, а не отстранувањето на дрвјата затоа што во досегашниот период оваа Влада докажала дека се грижи за пошумување на Република Македонија како никоја друга влада досега во изминатиот период. Има посадено околу 40 милиони садници, а дополнително во текот на октомври и на ноември ќе бидат посадени уште 5 милиони садници од коишто најголем дел, согласно планот на Владата, е да бидат посадени во рамки на единиците на локална самоуправа, вклучувајќи ја и општината Центар.