Јавен повик за волонтери во државните институции објавен е денеска од Кабинетот на претседателот на Владата на Република Македонија и Генералниот секретаријат на Владата на Република Македонија.
Како што информираше портпаролот на Владата, Александар Ѓорѓиев право на пријавување имаат сите млади лица, кои се во терцијарен степен на образование.
На огласот кој ќе биде објавен до 21. јуни годинава, ќе имаат право да аплицираат сите студенти од Република Македонија, без разлика во која година од студиите се.
Заинтересираните студенти треба да приложат мотивациско писмо во апликацијата, кратка биографија и фотокопија од индекс. По крајниот рок од 21. јуни, апликациите ќе се разгледуваат а потоа ќе следи и интервјуирање со студентите.
Волонтерите кои ќе бидат избрани, ќе почнат со работа на 1. јули оваа година, со платени трошоци за превоз и храна, односно надомест од 4.000 до 4.500 денари..