Жерновски треба да излезе и да се извини за сите досегашни негови обвинувања дека проектот Скопје 2014 та е незаконски и криминален.
– Прес конференцијата беше базирана на полувистини, невистини и манипулации и поткрепена со општи и нејасни пред се политички формулации без правен основ и тежина, се вели во соопштението на ВМРО-ДПМНЕ по повод денешниот прес околу ревизијата на проектот Скопје 2014.
– Ако имаше нешто незаконско веројатно СДСМ и Жерновски на пресот ќе играа оро на чело со Бранко Црвенковски, а вака само се сплеткаа во сопствените погрешни очекувања, и откога не најдоа ништо незаконски излегоа со паушални оценки без директно посочување кој и што конкретно направил надвор од законот. Колку само апсурдна беше нивната прес конференција покажуваат и целиот куп на гафови и глупости кои ги кажаа од типот дека несмеело да се градат мостови.
Од ВМРО-ДПМНЕ повикуваат веднаш да се поднесат пријави.
– Општината го има тоа право, а ако не поднесат тогаш очигледно се работи за невистинито партиско одработување без факти и аргументи. Префрлањето на топката кај обвинителството е само доказ дека немаат ништо и тргаат во план да се вадат потоа дека демек тие принеле документи ама обвинителството не постапува, што во основа е евтино и потпросечно сценарио кое само на Жерновски и на неговите компањони може да им текне.
– Ние ги повикуваме тие да поднесат тужба, имаат право на тоа, наместо да ја префрлат топката бегајки од можноста за контратужба за лажно обвинување, се вели во соопштението на ВМРО-ДПМНЕ.
Oваа реакција на владејачката ВМРО-ДПМНЕ доаѓа по денешната прес на Комисијата за ревизија на Општина Центар (Тасева и Малиновски), кои обелоденија низа злоупотреби околку проектот Скопје 2014, заради што беше посочено дека следната инстанца е Обвинителството, кое ќе биде информирано со документи за сите финансиски злоупотреби.