Илија Димовски, член на Извршниот Комитет а воедни и член на Комисијата која е задолжена да ги расчисти настаните од 24 демекври упати повик до членовите на СДСМ, Љубомир Фрчковски и Рената Тренеска Дескоска, да продолжат со работа идната недела.
„Би сакал да упатам јавна покана и иницијатива до членовите на Комисијата предложени од редот на СДСМ, г. Фрчковски и г-ѓата Тренеска Дескоска, во наредните пет дена, во термин и место кое тие би го посочиле да го продолжиме дијалогот и дискусиите поврзани со процесот на работа на Комисијата, но и со конкретен продолжеток со седници и со одговорна работа на самата Комисија“, изјави Димовски.
>> Давитковски: Комисијата ја урна македонскиот инает
Димовски, вели, тој и неговата колешка Дулиќ, сметаат дека само преку конструктивен пристап би се довело до решение од работата на Комисијата.
„Не би сакале со неконструктивен и некоректен однос да им даваме аргументи на оние страни кои не и посакуваат добар развој на Република Македонија“, дополнува Димовски.
Според него, секој политички чинител носи своја одговорност и секое различно однесување е спротивно од интересот на Македонија.
>> Груевски: Се врати сеништето и Комисијата запре со работа