Граѓаните во општина Центар ќе паркираат по парковите и во дворовите на градинките, бидејќи Жерновски има фрустрација кон сите проекти кои се започнати пред него, а тој сега е власт во Центар, па прави што сака, регираат од ВМРО – ДПМНЕ.
>>Центар се откажа од барокната гаража кај „Нова Македонија“
Според нив, Жерновски ниту ги праша граѓаните дали да ја сопре изградбата на катната гаража, ниту пак соопшти колку градинки и паркови и со која вредност поединечно, ќе изгради на местото на катната гаража.
„Се плашиме дека граѓаните нема да видат ни многу градинки, училишта и паркови, а сепак ќе останат без катна гаража, заради хирот на власта на општина Центар на чело со Андреј Жерновски“, велат од ВМРО – ДПМНЕ.
ВМРО-ДПМНЕ апелира кон Жерновски да ја продолжи изградбата на катната гаража во општина Центар.Центар треба да оди напред . Му требаат и паркови и градинки и катни гаражи.
ВМРО-ДПМНЕ го смета чинот за запирање како уште еден доказ за неспособноста на Жерновски да ја води општината Центар. До сега Жерновски само запира градби, прави протести и се обидува да поништува планови.
„Не видовме ниту еден сериозен проект во овие 100 дена од него. Само глумење на жртва и рушење на започнатото. Се разбира, не ја потценуваме важноста на остранетата бандера, која беше удрена од возило, проект на кој Жерновски му посвети должно внимание пред очите на сите македонски медиуми“, стои во реакцијата на ВМРО – ДПМНЕ.