ВМРО ДПМНЕ: Каков компромис со Грција?
Владеачката ВМРО ДПМН реагира на изјавите на Радмила Шеќеринска дадени во интервјуто за Радио слободна Европа во врска со решавањето на проблемот со името.
Во писмената реакција испратена од партијата се вели:
Пред неколку години Шеќеринска ветуваше влез во НАТО и ЕУ за само шест месеци, но никогаш не кажа како планира да го направи тоа. Сега вели дека СДСМ е спремна на компромисно решение, но повторно не кажува какво би било тоа решение, со каков опфат, каква содржина и какви последици за РМ и македонскиот народ. Таа во своите изјави користи воопштени ставови и изрази без никаква прецизна содржина, се вели во реакцијата од ВМРО ДПМНЕ во која понатаму ја повикуваат да одговри каков компромис би прифатила Грција.
Знаејќи ги ултимативните и бескомпромисни позиции на соседна Грција, која никако не отстапува од своите црвени линии, ние повторно ја прашуваме Шеќеринска каков е тој компромис кој Грција би го прифатила, а нема да ги загрози националните и државни интереси на Република Македонија, се вели во реакцијата на ВМРО ДПМНЕ.