ВМРО-ДПМНЕ информира дека „со вчудоневиденост ја следи кампањата на Стевчо Јакимовски“, кој говорел за услови за влез во новата влада после парламентарните избори.
– Сите тие услови се во ред и се легитимни, само не можеме да разбереме во чија влада добил покана да влезе? Дали е тоа во владата во сенка на СДСМ, која цела една година чекавме да се објави или можеби во владата која ја најавува господинот Љупчо Зиков или можеби Љубчо Георгиевски му ветил место во неговата замислена влада, реагира партијата на власт.
Оттаму потенцираат дека доколку ВМРО-ДПМНЕ ги добие изборите, не ја планираат партијата ГРОМ како дел од владата, а според нив, тоа се должи на фактот што во време кога Стевчо Јакимовски бил министер за труд и социјала и министер за економија во владата на СДСМ, невработеноста пораснала за 4 години на 38%, а синдикалните работници ги доживувал како мечки.
– Не можеме да разбереме кој му понудил влез во влада. Би било добро да им го објасни тоа на гласачите и членовите на ГРОМ за да знаат како нивниот лидер планира влез во влада по изборите, јавно прашува ВМРО ДПМНЕ.