ВМРО ДПМНЕ реагира на прес конференцијата на СДСМ на која што опозиционерите ја обвинија власта дека со тоа што бара професорите да ја користат преведената литература наместо учебниците и скриптите, се меша во науката.
-Потенцираме дека додека СДСМ беше на власт, македонските граѓани учеа од учебници кои беа на српски и хрватски јазик и од застарена литература, додека издаваштво на македонската литература скоро и да не постоеше. Во време кога СДСМ беше на власт ниту имаше преводи на странска стручна литература ниту се посветуваше внимание на македонското издаваштво. Граѓаните на Република Македонија своето високо образование најголем дел го совладуваа од литература која не беше на македонски јазик, а СДСМ ништо не превземаа во врска со тоа.
– Несериозно е денес, кога Владата на ВМРО-ДПМНЕ се труди преку преводи на светски книжевни дела, кои би им биле од голема помош како на професорите така и на учениците и студентите, СДСМ неосновано да критикува и да се однесува како воопшто да не им е битно за степенот и квалитетот на образование на македонските граѓани, пишува во писмената реакција на ВМРО ДПМНЕ.