„Со секој поминат ден граѓаните разбираат колку овој човек е полн со агресија, со гнев, со паника, граѓаните разбираат колкава нервоза има кај Зоран Заев и колкав страв има од поразот на изборите. Зоран Заев покажува дека е спремен и да лаже и да манипулира, само и само да се добере до власта. Неговите постапки говорат за него. Граѓаните секој ден се појасно и поубаво можат да ја видат неговата нереална и болна желба за власт, но и неговиот нечовечки лик“, реагира ВМРО-ДПМНЕ на прес-конференцијата на лидерот на СДСМ, Зоран Заев.
>>Заев: Даночното затајување на Груевски е казна затвор минимум 4 години
– Зоран Заев ги потврдува многуте наши прес конференции за него и неговиот начин на кој работи. Овој Зоран Заев, кој деновиве може да го видат сите граѓание, всушност е иститот Зоран Заев кој е аболициран за криминал од повеќе од 8 милиони евра, е истиот Зоран Заев кој се закануваше дека живи луѓе ќе јаде, дека ќе се пука. Овој Заев е оној Заев кој се закануваше дека од чистачка па нагоре ќе ги брка сите од работа.
– Овој Зоран Заев е истиот Зоран Заев кој си делел огромни тендери на фирмите на неговиот татко, чичко, брат, братучеди, снаи. Овој Зоран Заев е истито оној кој не знае колку пари и имот има тој и неговата фамилија. Овој Зоран Заев е вистинскиот Зоран Заев. Добро е што граѓаните имаат можност да го видат. Добро е што сам, носен од срамот и гневот од изборниот пораз, си го покажува вистинското лице.
– Граѓаните на Република Македонија на 13 Април со огромниот пораз му упатија јасна порака, но Заев не ја разбра и не сака да ја прифати, затоа на 27 Април пораката, односно неговиот пораз, ќе е уште поголема и уште појасна, реагираат од владечаката ВМРО-ДПМНЕ.
На денешната прес – конференција Заев истакна дека Груевски организирал продажба на Македонска банка, а ниту бил акционер, ниту бил сопственик, туку само претседател на ВМРО-ДПМНЕ. Ја продал банката зад грбот на акционерите и зад грбот на директорот на банката. Никола Груевски од продажбата на Македонска банка лично земал КЕШ од милиони евра, изјави Заев.
Тој констатираше дека само за даночно затајување, Никола Груевски направил дело коешто, согласно кривичниот закон на Република Македонија, се санкционира со казна затвор од минимум 4 години.