ВМРО-ДПМНЕ излезе со реакција на пресот на градоначалникот Жерновски, кој се однесуваше и на отчетот и на случај Бристол.
Во реакцијата се вели:
Општина Центар и Градоначалникот Жерновски по основ на комуналии за изградба на зградата на Советот за радиодифузија на 10 и 11 јуни оваа година заработиле 9 милиони 835 илјади денари.
Жерновски денес иако се противи на изградбата, овие пари не ги одбил, не ги вратил, туку напротив ги инкасирал во касата на општина Центар и заработил.
Доколку Жерновски е навистина загрижен за зеленилото, само мал дел од овие пари можеше да ги употреби за садење на илјадници нови зелени насади и дрвореди околу местото каде се гради зградата на советот за радиодифузија.
Но наместо тоа, парите добиени од градбата која денес тој ја напаѓа ги употребува за своја лична, но и партиска промоција на коалицискиот партнер СДСМ како и за десетици нови вработувања на партиски војници во општина Центар.
Тоа е нечесен и лицимерен однос. Жерновски е против зградата, но не и против парите кои по основ на комуналии ги добил од таа зграда, се вели во реакцијата на ВМРО-ДПМНЕ.
>>Жерновски: Ќе запре дивеењето-Законот ќе се врати во Центар