Вработувања во општина Центар не се во нормалната законска постапка, со распишан конкурс на кој ќе може да се пријават сите невработени граѓани, туку се директна и лична одлука на градоначалникот Жерновски, изјави денеска на прес конференција Томислав Лазаров, советник на ВМРО-ДПМНЕ во општина Центар
„ Се Зголемува администрацијата за околу 20% доаѓа во време кога г-нот Жерновски се жали дека нема средства да ги реализира основните проекти од значење на граѓаните на Центар. Не може да се избегне фактот дека во Општина Центар има вработено административци кои имаат искуство во својата работа од над 10, 15 или 20 години и кои се искусни во својата работа, а со своите потези Жерновски ги потценува и лично нив.
Така тој во својата општина ја вработи неговата сопартијка Роза Кареска Топузоска, доскорешен пратеник од Прилеп“, рече Лазаров
Тој тврди дека градоначаликот на Центар Ѓерновски, незаконски ги вработил Катерина Арсовка, Офелија Ивановска, Соња Николовска, Душан Велиновски и Бисера Јакимовска.
Инаку, во петокот од општина Центар информираа дека се наоѓаат под силен инспекциски надзор и дека им се изречени драконски казни по разни основи