ВМРО – НП ја прашува Владата на Р.Македонија особено премиерот и останатите министри на владеачката ВМРО ДПМНЕ, на кој начин и зошто се отстапил простор за доминантна улога на ДУИ во иницијативата за решавање на проблемот со името, кога и самиот ДУИ тврди дека тој проблем е повеќе чувствителен за Македонците.
Партијата смета дека предвидувањата во писмото за објективниот ризик кои постои во однос на нарушените меѓуетнички односи, кревкиот мир и загрозената стабилност во државата значи дека постои немоќ сами внатре да ги решиме прашањата па затоа мораме да побараме посредување од меѓународната заедница.
За ВМРО – НП најважно и највознемирувачко е констатацијата дека блокирањето на интеграцијата на Македонија во НАТО и ЕУ може да го загрози мирот сигурноста и стабилноста во Македонија и целиот регион на западен Балкан.
„Ваква формулација неможе никого да остави рамнодушен, а особено не одговорни политичари од власта.
ВМРО-НП апелира под итно сите релевантни фактори да направат максимални напори за брза интеграција на Р.Македонија во евро-атланстките структури со што превентивно ќе се дејствува и засекогаш ќе се отстранат црните прогнози што се надвиснуваат како закана за дестабилизација.