Во универзитетското образование во Белгија не постои државен или екстерен испит на студентите. Уставот гарантира автономија на универзитетите а академската заедница е таа која ги утврдува методите на студирање и евалуацијата на студентите.
Евалуацијата и испитувањето на студентите го прави професорскиот кадар кој конституира жири комисија. Улогата на Владата во овој процес е лимитирана на оценување на студенти кои, од повеќе причини кои мораат да имаат цврст мотив, не можат редовно да ги следат студиите или на неуспешни студенти кои не успеваат да добијат доволно висока оценка за да завршат студиска година. Во такви услови, Владата може да креира жири комисија за да додели академски степен од прв и втор циклус или да биде консултирана околу правилата на овие испити.
По консултација со Фламанската или Франкофонската заедниза Владата е таа која ги фиксира овластувањата на жирито, нивната организација и функционирањето.
За редовните студенти, академските власти се тие кои креираат жири комисија за секоја година од студирањето и за секој циклус на студиите. Жирито е составено од пет члена во кои има претседател и секретар а нивните имиња се објавени заедно со програмата на студиите. Жирито има задача да ја даде својата оценка за успех на учебната година и да додели академски степен и да ги валоризира.
Кога станува збор за докторски студии, академската власт креира посебна жири комисија за секој студент која е составена од пет члена кои се носители на докторат или еквивалентна титула. Оваа комисија може да покани надворешен член поради неговата висока научна компетенција.
Владата има важна улога во еквиваленцијата на странските дипломи. Таа исто така ги фиксира условите за нивото на познавање на францускиот или холандсиот јазик во зависност од тоа во кој регион се наоѓа универзитетот.
Владата исто така треба да внимава да бидат колку што е можно хармонизирани условите кои на студентите треба да им дозволат да студираат на друг универзитет во Белгија или во земјите на членки на Европската унија. Од тие причини, Владата може да утврди кои се минималните содржини на програмите за студирање.