“Господа, нема да се оди” е мотото според кое овој четврток вработените на аеродромот во Загреб почнуваат штрајк. Синдикатите се надеваат дека 90 отсто од вработените ќе престанат со работа.
“Од утре во 10 часот комерцијалните летови ќе бидат прекинати а исклучок се вонредните случаеви”, изјави претставник на синдикатот. Тој им се извини на патниците кои ќе имаат проблеми поради штрајкот но побара од нив да им дадат поддршка на штрајкувачите.
Само една третина од летовите за четврток ќе се одвиваат нормално додека остатокот од летовите на разни авиокомпании ќе имаат измени или ќе бидат укинати за тој ден. Дел од летовите за патниците кои главно одат во Европа ќе бидат пренасочени со автобус кон аеродромот во Сплит. Штрајкот ќе трае до полноќ.
Списокот на летовите кои се планирани, изменети или откажани, се наоѓаат на интернет страната www.croatiaairlines.hr. Изменетиот ред на летање за петок е веќе објавен исто така на оваа страна.
Патниците кои карта купиле до денес ќе можат да побараат бесплатна замена за некој друг лет на Кроација Еарлајнс за истата линија во рок од 6 месеци или да побараат враќање на парите.
Цел на штрајкот се подобрите работни услови и одредби од Законот за труд и колективни договори а штрајкувачите стравуваат дека нивните права нема да бидат почитувани откако аеродоромот ќе му биде даден на концесионер, една француска фирма.