По инаугурацијата, на почетокот на годината, новоизбраниот претседател на САД ќе добие два сета клучеви: едниот од Белата куќа, а вториот од новото возило.
Според последните податоци, во моментов експертите од Џенерал моторс го завршуваат проектот за новата претседателска лимузина која ќе ја замени досегашната лимузина позната како Ѕверот (The Beast).
Иако тоа не е официјално потврдено, папараците во текот а летото направија неколку фотографии на камуфлирано возило кое изгледа како модифицирана верзија на актуелниот Кадилак.
Тестовите се одржуваат на полигон на General Motors во Мичиген, а возилото мора да биде готово до крајот на годината, бидејќи тој треба да е достапен за време на инаугурацијата на новиот претседател на САД на 20 јануари следната година.
Сегашниот претседателски Кадилак, ги доби прекарот The Beast, а се користеше од 2009 година. Автомобилот што го превезуваше Барак Обама се смета за најдобро заштитениот во светот.
Во него се користени сите расположливи технологии за безбедност, од кои многу се уште се врвна тајна. Покрај тоа, за време на патувањето претседателската лимузина се движи со придружба од над 20 автомобили и мотоцикли.