Околу стотина косовски граѓани, кои протестираат против спогодбата за нормализирање на односите со Србија денеска се судрија со полицијата пред зградите на Владата и Парламентот во Приштина.
Како што изјавуваат очевидци, полицијата употребила употребила сила за да ги растера лицата кои ги блокирале влезовите на двете згради.
Трисет и девет демонстранти се приведени од полицијата, јавија косовските медиуми.
Протестите беа организирани од опозициското движење Самоопределување, кое се противи на спогодбата потпишана со Белград, со посредство на ЕУ во април, а која предвидува ограничена автономија за Србите на Косово.
Косовскиот премиер Хашим Тачи на вчерашната седница на косовската влада изрази уверување дека пратениците ќе го усвојат Законот за ратификација на Спогодбата за нормализација на односите помеѓу Косово и Србија.
Лидерот на Самоопределување Албин Курти на конференција за новинари пред два дена изјави дека Тачи заедно со Демократската партија на Косово, инсистира по секоја цена да ја ратификува Спогодбата со цел да ја подели одговорноста со останатите партии.