Расказот „Во рогот на волот“ кој е дело на Блаже Миневски беше избран за најдобар на конкурсот за наградата „Живко Чинго“ кој традиционално го распишува Општина Охрид.
Авторот на расказот, Блаже Миневски, е новинар, раскажувач и драматург. Тој е добитник на бројни награди и признанија од областа на публицистиката и литературата. Наградата во вредност од 30 илјади денари ќе му биде врачена на манифестацијата „Вечер на Живко Чинго“ што секоја година на 13 август се одржува во Велгошти, родното село на Чинго.
Комисијата за доделување на наградата „Живко Чинго“ за расказот „Во рогот на волот“ образложувајќи ја одлуката појасни дека делото на Миневски се издвоило од останатите 57 пристигнати трудови со својата извонредна наративна изведба, притоа поигрувајќи се со парадигмите на надреалистичното искуство, актуелизирајќи го просторот на Македонија како крстосница на луѓе, времиња и народи.