По довршената криминалистичка истрага, биле притворени 31-годишната вработена и 22-годишникот, а полициските службеници поднеле и кривична пријава до Општинското државно обвинителство во Загреб, додека против останатите осомничени лица, кривичните пријави ќе бидат поднесени по редовен пат.
Загрепската полиција ја доврши криминалистичката истрага на 10 лица поради сомнежи за фалсификување документи.
Меѓу нив е 31-годишна вработена во здравствена установа во Загреб, којашто била одговорна за внес на податоци во системот за вакцинирање на граѓаните. Полицијата не објави за која установа станува збор, објавува index.hr.
Вработената во октомври го искористила своето овластување и во системот внела неточни податоци дека 28-годишна жена и 65-годишен маж се вакцинирани со една доза вакцина против ковид-19, и тоа во почетокот на октомври годинава, иако знаела дека тие не се вакцинирани, јавува загрепската полициска управа.
Имено, 28-годишната жена во октомври ѝ пратила пари на вработената во здравствена установа во Загреб, за да ја добие важечката ковид-потврда.
Парите ги испратила преку 30-годишник којшто и ја поврзал со лицето кое може да изработи важечка потврда.
По довршената криминалистичка истрага, биле притворени 31-годишната вработена и 22-годишникот, а полициските службеници поднеле и кривична пријава до Општинското државно обвинителство во Загреб, додека против останатите осомничени лица, кривичните пријави ќе бидат поднесени по редовен пат.