Во затворот КПУ Идризово починал Реџаил Ќерими, лице кое беше осудено на доживотна затворска казна за случајот со нападот на полициските Алфи кај ПМФ.
За смртта на Ќерими, на социјалните мрежи објави член од семејството, јави ТВ 21.
Од Министерството за внатрешни работи потврдуваат дека е пријавена смрт на затвореник во овој затвор со иницијали Ќ.Р. (52) од Куманово.
Во април 2010 година, Реџаил Ќерими и Агим Ислами беа осудени на доживотен затвор поради вооружен напад во 2008 година на паркинг на Природно математичкиот факултет во Скопје, на полициските Алфи при што загина еден припадник на единицата, додека пак двајца негови колеги, со кои бил на патрола, беа повредени.