Прага: Во судир на брз и патнички воз утрово во јужниот дел на Чешка повредени се 45 луѓе, од кои пет се здобиле со тешки повреди.
Во болница се примени пет потешко повредени лица, изјави портпаролката на болницата во Чешке Будејовице.
Сè уште е непозната причината за судирот помеѓу двата патнички воза на пругата Чешке Будејовице – Плзен. Железничкиот сообраќај е во прекин, а на местото на несреќата има осум спасувачки екипи.
Таа пруга не е опремена со современ безбедносен систем, изјави генералниот инспектор на Железничката инспекција Јан Кучер.
Според чешките медиуми, несреќата се случила бидејќи еден од возовите го игнорирал црвеното светло.