НАСА и официјално синоќа соопшти дека е откриена вода во течна состојба на Марс. Научниците тврдат дека постојат кањони низ кои тече, таканаречена, периодична вода во текот на летните месеци. Тоа значи дека шансите да се пронајде некаков облик на живот на оваа планета се многу големи.
Водата која е откриена од страна на летечкиот објект МРО на НАСА, може да се создава со топење на сантите мраз кои настануваат во процесот во кој солта извлекува влага од атмосферата на Марс или пак од подземните резервоари на вода.
Овие темни , тесни, 100-метарски ленти познати како периодични падини на Марс се верува дека се формирани од современа течна вода. Неодамна, научниците открија хидрирана сол на овие падини во кратерот Хејл, потврдувајќи ја хипотезата дека лентите навистина се формирани од течна вода. Сината боја која се издвојува од темното се смета дека поради присуството на минерален пироксин.
.jpg)
Неодамна, научниците открија хидрирани соли и на падините на Хоровиц кратерот, со што се потврди хипотезата за течна вода на Марс.
Овие темни падини се однадвор ѕидовите на Гарни кратерот на Марс. Лентите вода се со должина од неколку стотици метри. Се верува дека тие настанале со протокот на солена вода во течна состојба на Марс.
На оваа фотографија се гледаат темни тесни ленти од вода на локацијата „Coprates Chasma“ во екваторијалниот регион на Марс .
