Според македонското Министерство за надворешни работи против возачот покрената е кривична постапка поради несовесно предизвикување на несреќа со повеќе повредени.
Од МНР не ја соопштуваат причината за несреќата, но како што јавуваат унгарските медиуми, возачот најверојатно заспал.
Поради тоа автобусот минал на крајната лева страна од патот, ја пробил заштитната метална ограда и завршил во канал од реката Бакоњ, од каде што противпожарни екипи, откако ги евакуирале патниците, го извлекле со кран.
Девет од патниците се пуштени од болница и чекаат да им биде организиран превоз за Скопје, а двајца продолжиле за Прага.
Во автобусот на туристичката агенција „Тото“ меѓу 28-те патници имало 21 македонски граѓанин, четворица биле од Чешка и тројца од Бугарија.
Несреќата се случи завчера еден час по полноќ близу Будимпешта.