Вработените на Охис на протести
Неуспехот на 11-от тендер за продажба на државниот загубар Охис и нерешавањето на статусот на повеќе од 800 вработени, повторно го разбуди нивниот револт.
Синдикатот и вработените во кругот на фабриката ќе одлучуваат за идните чекори и дејствувања. Синдикатот ќе има состанок со раководството – средба на која ќе се одлучи дали да се излезе на протест пред Илинденска или не.
Најавено е дека освен состанокот, извори за 24 Вести велат дека вработените ќе го блокираат и булеварот Борис Трајковски.
Пред неколку дена министерот за економија Ваљон Сарачини најави нов – 12-ти тендер за продажба на Охис. Повторно ќе се менуваат критериумите за продажба.
Синдикатот веќе ја повика Владата да почне постапка со која ќе се лоцира одговорноста за агонијата на 800-те вработени.
Извор: 24 Вести