Вработените во државниот загубар ОХИС денеска повторно протестираа пред Владата, пред која секој вторник од октомври минатата година, ги бараат заостанатите плати кои, како што потенцираат тие, ги имаат заработено.
Како што вели Тина Петковска, тие не губат надеж дека некој од надлежните ќе ги прими за да им соопшти како ќе се реши нивниот проблем, иако досега се целосно игнорирани а и оние кои некогаш одговориле на нивните барања, ги префрлуваат од една канцеларија во друга.
Околу 800 вработени од ОХИС со години чекаат да ги добијат заостанатите 24 плати. Дел од нив, со последната владина одлука, се запишани во Заводот за вработување од каде што им се исплаќаат по 7.000 денари месечно, но се жалат дека не можат да преживеат со тие пари.
Државата досега распиша 11-ет тендери за продажба на ОХИС, но засега нема купец.