Вработените во Филхармонија со жолти ленти на концертите во знак на протест оти потстанари ќе им бидат џезерите

На синоќешниот концерт насловен „ФИЛИЗ“, но и на концертите кои ќе следуваат,
вработените во Македонската филхармонија ќе носат жолти ленти, во знак на протест поради нетранспарентната и штетна одлука која ја донесе Министерството за култура, новоформираниот Национален џез-оркестар институционално да се смести во зградата на Филхармонија.
Пред почетокот на концертот, пред публиката се обрати Ана Кондратенко, концерт
мајстор во оркестарот, а истата порака на англиски јазик ја прочита и диригентот Џорџ Џексон од Англија.
„Нашата борба да си го зачуваме просторот за работа нема да запре се додека не се промени одлуката за просторно сместување на уште една институција во објектот кој наменски е изграден за да ги задоволи потребите на вработените во Македонската филхармонија“, велат од Филхармонија.
„Тоа и го должиме на публиката, на нашите колеги кои никогаш немаа можност да
отсвират ниту еден тон во новата сала, но и на сегашните и идните генерации кои ќе бидат дел од овој оркестар кој следната година прославува 80 години од
формирањето“, рекоа во пораката испратена до сите присутни на синоќешниот
концерт.