Сите 236 вработени во MекДоналдс рестораните во Македонија ќе останат на работа, ова денеска им го порача сопственикот на компанијата Светозар Јаневски на своите вработени на средбата со нив.
Компанијата ќе продолжи да бара решение кое ќе овозможи повторно да се отворат вратите на рестораните, соопшти компанијата.
Вработените добија и уверување дека компанијата продолжува со работа и покрај привременото затворање на рестораните, за кое вели дека е последица на околности на кои компанијата „СЈ“ не можела да влијае, но се надеваат дека преговорите со МекДоналдс ќе доведат до повторно отворање.