Давид Нинов, еден од обвинетите приврзаник на Православната Охридска Архиепископија ПОА, додека судиите одлучуваа во врска со предлог на адвокатот на обвинетите, се заврте кон новинарите и ги нарече платеници, затоа што не го следеле процесот за Вранишковски, а тоа го покажувале и извештаите на Фридом хаус.
„Ако сум јас крив за тоа што ме товарат, јас да умрам. Ако не вас најмилото да ви умри”, им рече Нинов на новинарите, јави репортерот на Макфакс.
Судијата место да соопшти пресуда, го врати процесот на доказна постапка и сослушуваше сведок кој тврдеше дека му бил сосед на Вранишковски во Нерези и дека имале спор околу плацовите со кои се граничеле. Тврдеше дека 500 метри квадратни од неговото лозје уништил Вранишковски и побара од него земјата да биде вратена во првобитна состојба.
Токму овој сведок ги изреволтира и ги изнервира обвинетите. Според нив, тој би лажен, а одлуките на судот не ги носел судијата туку некој друг.
Вранишковски тврдеше дека не го знаел сведокот, за кој рече дека бил лажен. „Судијата не е виновен, судијата ќе игра како ќе му свират, јас се жртвувам за црквата”, рече Вранишковски.
>>Случај „Расколник“: Пресуда за Вранишковски
Судот денеска треба да ја соопшти пресудата за случајот „Расколник“, во којшто му се суди на расчинетиот владика на Македонската Православна Црква, Јован Вранишковски и на уште 18 негови роднини и приврзaници.
Случајот на Јован Вранишковски и неговото завторање беше дел од извештајот на Сејт департментот за повреда на верските права во Македонија. Светиот Синод на СПЦ бараше од македонските судски власти да се стави крај на прогонот против него и неговата црква.