Вреден гердан бил украден од забава на Канскиот филмски фестивал, втора голема кражба на накит на овој настан оваа година, јавува Си-Ен-Ен, повикувајќи се на соопштувањето на полицијата.
Јувелирот де Грисогоно изјави дека гердан бил дел од колекцијата со која го правеше своето деби, вредела 2.000.000 евра (два милиони евра).
Компанијата изјави дека тоа е првата кражба во нивната 20-годишна историја .
Полицијата во Ница, Франција, го потврди грабежот, но рече дека дгердан бил во вредност од само 1.000.000 евра (еден милион евра).
Полицијата во Кап д’Антиб (Cap d’Antibes), , модерен резорт каде се одржувала забавата, дала трета сума 773.000 евра.
Де Грисогоно цо соопштение рече дека изнајмил 80 безбедносни чувари за настанот, во хотелот Кап Еден Рок (Cap Eden Roc) , во Кап д’Антиб, источно од Кан.
Пред една недела накит во вредност од повеќе од 1 милион долари беше украден од хотелот Новотел, пред да може да биде даден на ѕвездите кои присуствуваа на Канскиот филмски фестивал.
Накитот, кој беше наменет за позајмување на актерите при одење на црвениот тепих, беше направен од страна на швајцарската луксузна јувелирница Шопар.
Крадците влегле во собата на вработен од Шопар во хотелот Новотел во центарот на Кан пред отворањето на сефот и го одзеле накитот.
Полицијата тогаш потврди дека наградата Златна палма, која се доделува на директорот на најдобар филм на фестивалот, е безбедна.
Јувелирницата „Шопар“ е официјален спонзор на Канскиот филмски фестивал веќе 16 години.