Три сцени, штандови, говори и концерт ќе бидат дел од централниот собир в сабота во 17 часот, организиран од Движењето за народот и државата, кое е поддржано пред се од владејачката Српска напредна партија – СНС и српскиот претседател Александар Вучиќ.
Прогресивците велат дека митингот е непартиски. Во центарот на градот веќе се поставени шатори, трактори и штандови, па просторот околу Собранието на Србија е делумно затворен за сообраќај.
Премиерот на Србија во техничкиот мандат, Милош Вучевиќ, порача: Се што мислиме и чувствуваме, дишеме и живееме, не зближило во пораката да не се откажуваме од Србија.
Многу сум горд на се што сум видел, на хероите од Косово, на моите сонародници од северот, на сиромашните, на студентите кои сакаат само едно – да учат. „Немаше да ја зачуваме Србија како држава, немаше да опстанеме под налетот на обоената револуција, да не беше мудроста на еден човек – Александар Вучиќ, кој не собра сите заедно да застанеме во одбрана на државата“, рече тој.