Било кој опис на лондонската клубска сцена неизбежно ве води до таканаречениот Wiggle, движење во електронската музика кое создаде свој идентитет. Основачи на Wiggle се за скопската публика добро познатите Тerry Francis, Eddie Richards и Nathan Coles . Оваа ДИ Џеј тројка пред 20 години во Лондон во обид да избега од клубските простори кои диктираат комерцијална музичка естетика на случајни и често неочекувани локации ја започнува својата музичка авантура. Wiggle звукот го карактеризира софистициран микс помеѓу хаус и техно звукот препознатлив по изразените бас линии. Од едно андерграунд движење Wiggle денеска е неизбежен дел од антологијата на електронската музика.
Скопската публика имаше прилика да биде дел од Wiggle сцената пред 14 години, во 2003 во тогаш популарниот клуб “Елемент“ . Оние кои беа таа ноќ таму до денска ја имаат во своето паметење како исклучителен настан.
Кафе Пабло има чест да ги извести сите уживатели на овој софистициран електронски звук дека на 2 август на плажата „Оревче“ во Охрид организира Wiggle журка со нејзините основачи Тerry Francis и Eddie Richards.
Terry Francis резидент на легендарниот клуб Fabric од Лондон каде настапува од дента кога клубот ги отвори своите врати, а со своите диџеј сетови постојано ја потцртува својата позиција на двигател на сцената и нејзин трендсетер.
Eddie Richards е типичниот пионер на денс музиката и „британскиот основоположник на хаусот и техното“ (Mixmag) е еден од првите диџеи кои ја промовираа хаус музиката во осумдесетите и кој израсна во клучна фигура на новото музичко и културно движење, кое експлодираше во светски рамки. Eddie Richards е познат како лидер на тек-хаус звукот, но во реалноста, тој само свири затрашувачки добра музика која со децении ги придвижува подиумите низ светот.
Журката почнува во 22.00 со нашите Боле и Дарко Јорданов
Влезници за оваа журка по цена од 250 денари може да купите во Кафе Пабло, Кафе Излет во Скопје и Плажа Оревче во Охрид.
Тимот на кафе Пабло и dy-na-mix ве чека во Охрид.