Мадрид: Од саботата, кога почна првиот топлотен бран ова лето во Шпанија, регистрирани се 102 смртни случаи поврзани со високите температури и жештини, соопшти Системот за дневно следење на морталитетот од сите причини (MoMo).
Вкупниот број на смртни случаи во текот на јуни годинава, кој според податоците на Државната метеоролошка агенција (Aemet) е оценет како најтопол месец досега регистриран во земјата, достигна 380, пренесе шпанскиот весник „Елмундо“.
Податоците на MoMo укажуваат дека во првата половина од годината се забележани вкупно 2.168 смртни случаи поврзани со високи и ниски температури, што претставува 68 проценти од вкупниот број на смртни случаи предизвикани од температури во текот на целата 2024 година, кога беа пријавени 3.521 смртен случај.