Од денес во Словенија ќе биде воведен полициски час во траење од 21 до 6 часот наутро. Локалните медиуми велат дека ова е првпат во Словенија да се воведува полициски час од италијанската окупација во Втората светска војна.
Забраната за собирање повеќе од шест лица, наместо претходните 10, стапува на сила, пренесува агенцијата СТА.
Забраната за движење меѓу регионите сè уште се применува, со одредени исклучоци.
Во Словенија во понеделникот беше објавено дека во претходните 24 часа биле потврдени 537 случаи на вирус, што е 20,4 проценти од испитаните, па затоа владата донесе одлука за нови мерки.