Општествените реформи помеѓу кои легализирање на марихуаната, абортусот и истополовите бракови, му го донесоа на Уругвај епитетот „држава на годината“, а го зголемија процентот на среќа без никакви финансиски трошоци. Зад тоа стои Хозе Алберто „Пепе“ Мухика Кордано, претседателот на јужноамериканската земја.
– Ние се водиме по едноставното начело: ги прифаќаме фактите. Геј браковите, ви се молам. Постари се од самиот свет. Го имавме Јулие Цезар, Александар Велики. Да кажете дека тоа е намерно, ви се молам. Тоа е постаро од нас самите. Тоа е објективната реалност во која живееме. За нас, забраната на геј-браковите е непотребно мачење на луѓето, ја објаснува 78-годишниот Мухика, логиката за својата политика во разговор за бразилската новинаска агенција „О Глобо“.
Уругвај стана третата земја по Канада и Аргентина која ги прифаќа истополовите бракови, откако во април минатата година беше донесена таквата улога. Законот донесе и нова терминологија и наместо „сопружници“ (маж и жена), сега се користи „договорните страни“, со цел да се избегне дискриминација, а сите парови имаат право на посвојување деца.
Некогашен герилец, Хозе Мухика добар дел 70-тите и 80-тите помиинал во затвор. Кон крајот на 70-тите учествувал во заземањето на Пандо, град близу Монтевидео, по што осуден е на затворска казна. Од властите е „фатен“ во четири наврати. Во 1972 застрелан е шест пати од страна на полицијата. Потоа е префрлен во воен затвор, каде што отслужува 14 години.
Во тој период, поминал повеќе од две години затворен во дно на бунар.
Мухика денека важи за „најсиромашниот претседател“, бидејќи 90 отсто од платата ја донира во добротворни цели. Важи за атеист и вегетаријанец кој не сака да живее луксузно.
По легализацијата на марихуаната, направено со цел да се ослабне влијанието и моќта на нарко картелите и за да се контролира производството, поддржувачите го номинираа за Нобелова награда за мир.
Кон крајот на 2013 година, реномираниот режисер Емир Костурица започна со снимање на документарен филм за Мухика, сметајќи го уругвајскиот претседател „последниот херој во политиката“.