Претседателот на СДСМ Зоран Заев вечерва на прес конференција која следеше веднаш по онааа на премиерот Груевски изјави дека императив на Договорот од Пржино е кристално чист предизборен и изборен процес. Денешното обраќање на премиерот Никола Груевски на коешто тој најави дека утре ќе депонира оставка која ќе биде ефективна 100 дена пред изборрите, Заев го оцени како „директно признание дека поради него и неговата партија не се исполнети клучните делови од Договорот од Пржино.
Заев не даде конкретен коментар околу прашањата за датумот на изборите од коишто зависи кога ќе стане активна оставката на Груевски. Не беа дозволени новинарски прашања, а атмосферата во седиштето на СДСМ беше еуфорична и изборно-навивачка, подгреана од изјавите на Заев дека СДСМ очекува победува на следните избори.
Претходно, СДСМ бараше избори во јуни или септември се додека не се исполнат сите точки од Договорот од Пржино.