Лидерот на СДСМ, Зоран Заев, со ново писмо до претседателот Ѓорге Иванов, дополнително бара да ги поништи поединечните одлуки за помилување кои се однесуваат на него.
„По вашата срамна прес-конференција одржана на 15 април 2016 година потврдивте дека не се водите од интересите на државата и граѓаните туку извршувате наредби за да го заштитите вашиот шеф, Никола Груевски. Од овие причини, дополнително барам да ги поништите поединечните одлуки за помилување, бр. 08-527/1 и бр. 08-538/1, објавени во Службен весник на 12.04.2016“, вели Заев во новото писмо до Иванов.
Тој повторува дека јавно соопштил дека ниту барал, ниту прифаќа амнестија, а повторно побара и оставка од претседателот Иванов.
Инаку, претседателот Иванов, во петок, на вонредно обраќање до јавноста повика сите засегнати од амнестијата поединечно и лично да достават до него барања за повлекување на амнестијата, а тој дополнително со тим правници ќе наоѓа решение.